នាយសង្កាត់រដ្ឋបាលព្រៃឈើមេមត់ រងការសង្ស័យឃុបឃិតជាមួយឈ្មួញនាំឈើប្រណិតទៅប្រទេសវៀតណាម
16-December-2015 | ដោយ មួយឡា
ត្បូងឃ្មុំ ៖ នាយសង្កាត់រដ្ឋបាលព្រៃឈើមេមត់ គឺលោក ទួន វុត្ថា ត្រូវរងការចោទប្រកាន់ថា បានរួមគំនិតជាមួយនឹងក្រុមឈ្មួញ អនុញ្ញាតឲ្យមានការដឹកជញ្ជូនឈើចេញ តាមច្រកដា និងច្រកដូនរ័ត្ន។
យោងតាមប្រភពសមត្ថកិច្ចដែលស្នើសុំមិនបញ្ចេញឈ្មោះបានឲ្យដឹងថា ឈើដែលជារបស់លោកឧកញ៉ាល្បីឈ្មោះខាងរកស៊ីឈើប្រណិតក្នុងខេត្តនេះ ត្រូវបានដឹកចេញស្ទើរតែរាល់ថ្ងៃរាប់សិបឡានយ៊ីឌុប ដែលមិនមានមន្ត្រីពាក់ព័ន្ធណាហ៊ានប៉ះនោះឡើយ ជាពិសេសផ្នែករដ្ឋបាលព្រៃឈើ ដែលមានតួនាទីសំខាន់ក្នុងការបង្ក្រាបបទល្មើសព្រៃឈើនេះ ក៏មិនហ៊ានទៅក្បែរដែរ ព្រោះគេបានត្រូវដងត្រូវផ្លែគ្នាអស់ហើយ។
ជាក់ស្តែងកាលពីយប់ថ្ងៃទី១៤ ឈើប្រណិតប្រមាណជាជិត៣០គ្រឿង ត្រូវឈ្មួញដឹកជញ្ជូនយកទៅកាន់ប្រទេសវៀតណាមយ៉ាងរលូន តាមច្រកដា និងច្រកដូនរ័ត្ន ដោយពុំមានសមត្ថកិច្ចខាងព្រៃឈើចាត់វិធានការអ្វីនោះទេ។
ចំពោះបញ្ហានេះ លោក ទួន វុត្ថា នាយសង្កាត់រដ្ឋបាលព្រៃឈើមេមត់ បានថ្លែងកាលពីព្រឹកថ្ងៃទី១៥ ថា ពាក់ព័ន្ធនឹងការនាំឈើចេញទៅក្រៅប្រទេសនេះ គឺមិនមានពាក់ព័ន្ធជាមួយលោកទេ ពោលគឺលោកទទួលខុសត្រូវតែបង្ក្រាបបទល្មើសព្រៃឈើក្នុងស្រុកប៉ុណ្ណោះ៕
ប្រភព៖ ann
ចំនួនអ្នកទស្សនា
- ថ្ងៃនេះ1931
- ម្សិលមិញ3021
- សប្តាហ៍នេះ4961
- ខែនេះ51061
- ឆ្នាំនេះ387321
- សរុប19614767